اول ما سافرت كندا كنت بخاف اتكلم انجليزي قدام المصريين مع اني كنت جايب 6.5 في الايلتس اه مستوايا في الانجليزي مكنش perfect لكن كنت بحاول اتعلم. اول ما افتح بقي الاقي حد بيقولي دي بتتقال كده وديه نطقها مش كده لحد ما انخرست خالص ومبئتش اتكلم ادام مصريين. عمري ما تكلمت مع اجانب او اي جنسيه تانيه وصلح الانجليزي بتاعي او اتريق علي Egyptian English بتاعي. مفيش حد كان بيتريق عليه الا Egyptians بس .
بعد فتره معينه من التعاملات اكتشفت اننا عندنا مرض وداء اجتماعي لازم يتعالج كميه العنصريه اللي موجوده عندنا في موضوع اللغه ده بيدمر ناس كتيير. خلي في بالك من الحاجات اللي هقولها ديه عشان متتعبش نفسيا.
*
*مش لازم تقول I wanna قول I want المهم توصل فكرتك للناس اللي قدامك.
* كل اللغات القويه لازم تسيب اكسنت في الانجليزي وتقريبا مستحيل تتغير ادام محصلش tongue twist من صغرك. ذي كده الهنود والصينيين والفلبينين لازم يبقي عندهم اكسنت وهم بيتكلموا.
*لازم تبقي عارف ان في فرق بين انك تكون fluent وانك بتتكلم ب accent. المهم انك تتكلم بطلاقة fluency مش مهم الاكسنت خالص.
*مفيش اي امتحان انجليزي ذي TOEFL او ILETS بيقيم الاكسنت كله بيقيم الfluency بس عشان ده شئ خارج عن ارادتك.
*دايما افتكر ان اينشتاين كان بيتكم باكسنت والانجليزي بتاعه كان ضعيف. وماكس بلانك نفس الكلام وماري كورري اللي كانت بتجمع جوائز نوبل ذي ما احنا بنجمع طوابع بريد كانت بتتكلم انجليزي بصعوبة وخد التقيله بئه بيير كورري جوزها اللي حاصل علي جائزة نوبل بردو ماكنش بيتكلم انجليزي خالص، كلهم كان الانجليزي مش لغتهم.
*الحاجه الوحيده اللي لازم تاخد بالك منها انك متفكرش بالعربي وترجم يعني فكر بالانجليزي وانت بتتكلم يعني مثلا لو عاوز تقول بالمصري الكلام ده ميمشيش مش هينفع تقول this talk doesn't walk بس ممكن تقول this is never going to work مثلا. يعني مترجمش حرفي ترجم معني وفكر بالانجليزي وانت بتتكلم انجليزي.
*افتكر دايما ان الانجليزي مش ستايل ولا برستيج ديه لغه بتتعلمها غصب عنك عشان شغل او دراسه. ومتتكلمش مع زمايلك انجليزي بدون داعي. عمرك شفت اتنين فرنسيين مثلا بيتكلموا مع بعض انجليزي. انا بقي شفت مصريين بيتكلموا مع بعض انجليزي بس
*طبعا لما بيظهر المرض في مجتمع بيظهر معاه بيزنس علطول وتلاقي بزنس المدارس الانترناشونال و اشخاص طالعة بتقولك قولها كده ومتقولهاش كده والاكسنت الامريكي والبريطاني والاسترالي والاسكتلندي و الجنوب افريقي والنيجري شايف كل دول بيتكلموا انجليزي ممكن تقولي هتتكلم ذي مين فيهم.
*من الاخر اتعلم انجليزي كويس واتكلم مع اجانب ده هيفيدك كتيير الانجليزي مهم مفيش كلام و اتكلم Egyptian English ده مش عيب ولا حرام ومتشغلش بالك بالمرض ده. اهم حاجه توصل افكارك وتقدر تتواصل.
*fake it till you make it
يعني مثل علي نفسك انك بتتكلم كويس لحد ما تتكلم فعلا كويس وانسي موضوع الاكسنت خالص.
*حاول معايا نعالج المرض ده.
*شير في الخير يمكن نتعالج.
*fake it till you make it
يعني مثل علي نفسك انك بتتكلم كويس لحد ما تتكلم فعلا كويس وانسي موضوع الاكسنت خالص.
*حاول معايا نعالج المرض ده.
*شير في الخير يمكن نتعالج.
تعليقات: 0
إرسال تعليق